Þú ert hér

Fá sendar tilkynningar Loka

Með því að skrá netfang þitt hér getur þú fengið sendar á tölvupósti nýjustu greinar og kveðjur þegar þær eru skráðar á viðkomandi.

Karl Cesar Salómonssn

f.d. 16.9.1993 - d.d. 17.6.2010
Karl Cesar er fæddur á Ísafirði þann 16. september 1993. Hann lést þann 17.6. 2010.
Foreldrar hans eru Salómon Viðar Reynisson, f. 4.12. 1961, og Þóra Lind Karlsdóttir, f. 15.4. 1963. Foreldrar Salómons eru Reynir Ásgrímsson, f. 29.8. 1941, og Birna Salómonsdóttir, f. 11.4. 1943, d. 4.6. 2009, foreldar Þóru Lindar eru Karl Cesar Sigmundsson, f. 6.2. 1938, og Málhildur Sigurbjörnsdóttir, f. 24.7. 1935, d. 29.11. 2008. Systkini Karls Cesars eru 1) Svavar Örn, f. 22.10. 1981, kona hans er Steinunn Björnsdóttir, f. 23.5. 1980, og börn þeirra eru Jónas Breki og Ásdís Svava. 2) Gylfi Snær, f. 14.3. 1984, 3) Reynir Viðar, f. 12.5. 1987, kona hans er Kristín Valgeirsdóttir, f. 28.9. 1988. 4) Birna Björg, f. 3.6. 1991. 5) Karl Cesar var yngstur.

Fyrstu tvö árin ólst Karl Cesar upp á Ísafirði þar sem fjölskyldan bjó tímabundið vegna vinnu föður hans. Karl Cesar hóf skólagöngu sína í Foldaskóla þar sem hann undi sér vel. Hann fluttist síðar ásamt fjölskyldu sinni í Voga á Vatnsleysuströnd þar sem hann lauk grunnskólanámi sínu í Stóru-Vogaskóla. Haustið 2009 hóf Karl Cesar nám við Fjölbrautaskóla Suðurnesja og stefndi hann á að verða vélvirki eins og afi, pabbi og bróðir hans. Hann vann með skólanum hjá föður sínum á verkstæðinu Vélrás og kom þar berlega í ljós að þar var hann á réttri hillu. Bílar, þungavinnuvélar og önnur farartæki áttu hug hans allan.












Kveðjur

elsku Karl Cesar minn , mamma saknar þín svo mikið
finn til í hjartanu mínu af sársauka.
elska þig, þín mutta
sakna þín svo mikið ástin mín <3

þín elskandi mamma
elsku ástin mín mamma finnnur svo til og saknar þín
en þú ert í hjarta mer alla dag .
þín mutta
mikið sakna ég þín elsku Karl Cesar minn, eg hugsa til þín oftt á dag, þín elskandi mutta <3
mikið saknaði eg þín í gær einas og alla daga við pabbi finnum svo til elskum þig og hugsum til þin kv mutta og pabbi
nú lálgast afmæli þitt og mamma ermeð hugan hjá þer <3 sakna þin svo ónedalega mikið og finn til í hjartanu mínu þín mutta
sakna þín elsku ástin mín
þín mutta
elsku ástin mín <3 sakna þín og kisstu ömmu möllu til lukku með daginn frá mer, sakna ykkar, þín mutta
hugsa mikið til þín elsku ástin mín
þín mutta <3
mamma finnur til í hjartanu sínu af sorg sakna þín ástin mín , þín mutta
elsku ástin mín mamma saknar þín svo mikið og vildi að við gætum farið aftur í tíman <3
amma malla og amma Birna er hjá þer <3 mutta

Minningargreinar

Dánartilkynning Lesa grein

Karl Cesar lést 17 juní 2010 í Vogum á Vatnsleysuströnd .

Jarðarfaratilkynning Lesa grein

Karl Cesar verður jarðsunginn frá Grafarvogskirkju í dag, 25. júní 2010, og hefst athöfnin kl. 13.

Minningarorð Lesa grein

Elsku kúturinn hans pabba, það er mér þungt að skrifa þessar línur og engin orð lýsa því hvernig mér líður. Þú fórst svo snögglega frá mér, það er eins og þú komir heim eftir smástund, hafir bara skroppið út að hitta vin.
Það er tómlegt heima og við mamma söknum þín svo sárt .

Ég vildi geta verið hjá þér
veslings barnið mitt.

Umlukið þig með örmum mínum.

Unir hver við sitt.

Oft ég hugsa auðmjúkt til þín

einkum þegar húmar að.

Eins þótt fari óravegu

átt þú mer í hjarta stað.

(Vilhjálmur Vilhjálmsson)

Ég elska þig af öllu hjarta.

Þinn,

pabbi.

Elsku litli strákurinn minn, mamma grætur og vantar svo að fá litla strákinn sinn í fangið. Pabbi og systkini þín gráta líka og við skiljum ekki hvað gerðist.
Hjarta mitt er mölbrotið, þar er nú sár sem aldrei grær. Ég sit með peysu af þér til að finna lyktina þína og hugsa til þín, vil svo geta fært tíman aftur og við værum saman.

Síðasta samtal okkar var þannig að þú sagðir, „Mamma, ég er orðinn 16 ára.“ Já stór ertu (langur) en verður alltaf litli strákurinn minn. Þegar þú fæddist átti langamma þín, hún Unnur (Gógó), afmæli og varst þú langömmubarn númer 34 í röðinni og var hún mjög glöð að fá þig í afmælisgjöf. Amma þín, hún Malla heitin, kallaði þig alltaf Ísafjarðarprinsinn, hún alveg dýrkaði þig, það var eitthvert spes samband milli ykkar. Og svo 6. febrúar 1994, á afmælisdegi hans Cesars afa, fékkstu nafnið hans og Cesars frænda, þeir voru svo glaðir að fá nafna. Þú heitir því fallega nafni Karl Cesar Salómonsson og vorum við pabbi spurð hvort við værum með mikilmennskubrjálaði, því þetta eru þrjú kónganöfn, en þú ert svo stór og mikil persóna að þú stóðst vel undir nafninu.

Birna systir og bræður þínir gráta og sakna bróður síns, vildu svo hafa átt lengri tíma með þér, þið áttuð eftir að gera svo margt saman. Pabbi saknar þín og finnst eins og þú hafir bara farið aðeins út og komir fjótlega heim aftur. Mamma bíður eftir því að vakna af vondum draumi og langar til að sjá fallega brosið þitt, því glaðlyndur varstu og hafðir góðan húmor.

Ég man þegar ég fékk þig fyrst í fangið, ég var svo stolt og glöð, þú varst yndislegt barn og yndislegur ungur maður. Þegar þú byrjaðir í framhaldskólanum blómstraðir þú og varst fullur tilhlökkunar á framtíðina, ætlaðir að verða vélvirki eins og afi Reynir, pabbi og Reynir bróðir. Bílar og önnur farartæki áttu hug þin allan, sem barn áttir þú uppáhaldsbíl og varð margoft að líma hann saman, því litlar hendur misstu hann ansi oft í gólfið og ekki kom til greina að hafa annan bíl.

Þegar ég sit og skrifa þessar línur koma upp margar góða minningar, ég græt og finn svo til, hvernig á ég að lifa án þín?

Ég bar þig barn í armi, þú brosir
hlýtt til mín,

sem bjartur geisli ennþá, sú fagra

minning skín.

Mér veiti Drottinn Jesú, þær vonir fái

að rætast,

að megum við hjá Guði, með brosi

aftur mætast.

(Guðrún Guðmundsdóttir frá Melgerði.)

Ég elska þig svo heitt.

Þín

mamma.


Elsku litli bróðir minn.
Ég bara trúi ekki að það sé komið að kveðjustund hjá okkur. Þú svona ungur og áttir eftir að gera allt. Þetta er án efa það erfiðasta sem ég hef gert á ævinni, að kveðja þig. Þú varst farinn að telja dagana þangað til þú áttir að fá bílpróf og ætlaði ég að heimta fyrsta rúntinn með litla brósa. Ég mun aldrei gleyma þeim tímum sem við vorum saman, hvort sem það var í vinnunni eða þegar ég, þú og pabbi vorum saman að stússast eitthvað uppí bústað eða í þau skipti sem við fórum saman að hjóla. Þú varst alltaf besti vinur minn og verður það alla ævi, það er ekki hægt að hugsa sér betri litla bróður en þig Ég var alltaf svo stoltur af þér og vildi allt fyrir þig gera, var alltaf að bíða eftir því að þú myndir biðja mig um að hjálpa þér með bílinn sem ég hefði gert með ánægju.

Ég veit að bæði amma Birna og amma Malla munu taka þér með opnum örmum og munu þær hugsa vel um þig þangað til eitthvert af okkur kemur til þín.

Ég get bara ekki hætt að hugsa um það hvað það er langt þangað til við hittumst aftur, það er svo erfitt að vera til án þín en ég verð að vera sterkur fyrir mömmu og pabba og alla hina sem sakna þín svo sárt.

Ég elska þig svo mikið og mun sakna þín alla ævi, elsku litli bróðir.

Ég kveð þig með sömu orðum og alltaf voru sögð við okkur: Farðu varlega og Guð geymi þig.

Ljúfi Jesús, láttu mig
lífs míns alla daga

lifa þér og lofa þig

ljúft í kærleiks aga.

(Þorkell G. Sigurbjörnsson)

Vertu, Guð faðir, faðir minn,
í frelsarans Jesú nafni,

hönd þín leiði mig út og inn,

svo allri synd ég hafni.

(Hallgrímur Pétursson)

Þinn stóri bróðir,

Reynir.

Elsku Karl minn.
Ég veit ekki hvar ég á að byrja. Ég er frosinn og reiður.

Reiður yfir öllum spurningunum sem ekki verður svarað, og að ég fái ekki lengur að hjálpa og leiða þig í gegnum lífið.

Tilfinningin er sár og hrikalega vont að vita til þess að hlutverki mínu sem stóra brósa er lokið.Við áttum eftir að gera svo margt saman.

Ég átti eftir að kenna þér hitt og þetta, gera hina og þessa hluti saman, bara þessa týpísku hluti sem bræður eiga að ganga í gegnum og gera.

Við áttum góðar stundir saman, þó sérstaklega núna seinast þegar þú komst með mér heim eftir útskriftina hjá Kristínu. Ja, við fórum heim að skila dóti og svona, en svo fórum við saman í heimsókn til Dabba og sátum þar langt fram á nótt og skemmtum okkur saman. Ég man að við vorum að ræða mikið um bíla, tæki og tól. Enda var það þín ástríða. Svo fórum við bara saman heim og þú gistir hjá mér sem þú gerðir oft. Við náðum alltaf vel saman, ég og þú. Við gátum alveg rifist eins og er eðlilegt með bræður en það var yfirleitt mjög stutt og saklaust. Eitt sem ég tók alltaf eftir við þig, Karl minn, var að það var alltaf stutt í brosið þegar við vorum saman. Og þú varst með yndislegt bros.

Bræddir mitt hjarta alltaf. Enda varstu langsætastur af okkur bræðrunum.

Jónas Breki saknar þín sárt eins og við öll hin. Þú og Jónas náðuð ótrúlega vel saman og eydduð ófáum dögum saman hér heima, uppi í bústað eða í Vogunum. Ásdís Svava kom svo í heiminn fyrir 3 árum og þú sýndir henni ávallt áhuga og varst duglegur að leika við hana. Hún fann það sjálf. Henni fannst gott að vera í kringum þig og leika.

Já, þetta hafa verið tómir og erfiðir dagar sem hafa liðið núna eftir að við heyrðum þessar hræðilegu fréttir. Það var eins og hjartað hætti að slá í nokkrar sekúndur á eftir og hrikalegur sársauki braust fram. Minningarnar byrja að skjótast fram og maður ræður ekki við tárin sem ætla ekki að hætta að streyma. Það fyrsta sem kom upp í hugann er mynd af þér þegar ég sá þig síðast, og hvað þú hafðir stækkað og breyst með hverju skiptinu sem maður sá þig, enda varstu orðinn hærri en allir stóru bræður þínir og mér fannst það nú frekar broslegt þegar ég sá það á þeim öllum að þeim var nú ekki alveg sama um það.

Ég minnist þess með söknuði þegar þú varst hérna sem mest og gistir hérna hjá okkur, þá varstu á aldur við Jónas í dag og þvílíkt sem þú gast talað og spurt spurninga sem ég átti í mesta basli við að svara. Við áttum hérna ófá vídeókvöldin saman, ég og þú, og mun ég minnast þín sitjandi hérna í sófanum hjá mér.

Þú varst alltaf svo góður við Jónas og Ásdísi, og áttuð þið Jónas margar góðar stundir og náðuð svo vel saman. Ég mun halda áfram að biðja fyrir þér og geyma góðar minningar um þig.

Minning þín er mér ei gleymd;
mína sál þú gladdir;

innst í hjarta hún er geymd,

þú heilsaðir mér og kvaddir.

(Káinn)

Guð geymi þig, elsku litli brósi.

Við elskum þig heitt og söknum þín sárt.

Svavar Örn, Steinunn,
Jónas Breki og Ásdís Svava.

Hann Karl Cesar okkar er dáinn. Sorgin og söknuðurinn nístir hjörtu okkar og við sitjum sem lömuð. Við sitjum og bíðum eftir að vakna upp frá þessum hræðilega vonda draumi. Karl Cesar er farinn, fallegi drengurinn sem átti allt lífið framundan, var fullur framtíðaráforma og beið óþreyjufullur eftir að framfylgja þeim, enda var hann þegar byrjaður og vann með skólanum á verkstæðinu hjá pabba sínum. Hann var byrjaður að telja niður dagana í bílprófið enda voru bílar og vélar líf hans og yndi. Það er erfitt til þess að hugsa að nú verður bílprófið ekki tekið í september. Að hann Karl Cesar sem var svo ungur, hraustur og reglusamur fái þess ekki notið að setja skírteinið í veskið sitt stoltur. Stórt skarð hefur verið höggið í fjölskylduna okkar sem ekki verður fyllt og það er skammt stórra högga á milli, ekki nema rúmt ár síðan amma Birna lést. Við sem eftir sitjum reynum að halda utan um hvert annað og sefa sorgina af veikum mætti. Reynum að fóta okkur aftur í veröldinni og standa þétt saman, öðruvísi er þetta ógerlegt.
Elsku Salli, Þóra Lind, Svavar Örn, Reynir Viðar, Gylfi Snær og Birna Björg, við trúum því að núna sé Karl Cesar á góðum stað hjá Birnu ömmu og Möllu ömmu sinni, að þær hafi tekið á móti honum og gæti hans. Við biðjum góðan Guð að styrkja ykkur í ykkar miklu sorg.

Endar nú dagur, en nótt er nær,
náð þinni lof ég segi,

að þú hefur mér, Herra kær,

hjálp veitt á þessum degi.

Vertu yfir og allt um kring

með eilífri blessun þinni,

sitji Guðs englar saman í hring

sænginni yfir minni.

(Sig. Jónsson frá Presthólum)

Ykkar,

Ásgrímur og Helga
Elsku Karl Cesar minn.
Það er svo sárt að þurfa að kveðja þig svona fljótt, það átti ekki að vera svona. Þú varst svo hjartahlýr og góður strákur. Ég gleymi því aldrei hvað þú reyndir að passa uppá mig. Í þá minningu mun ég halda alla ævi. Ég reyni að vera sterk fyrir fjölskylduna þína en ég sakna þín svo mikið.

Ég aldrei hef lofað að brautin sé bein,
né blómstígar gullskrýddir alla

leið heim.

Ég get ekki lofað þér gleði án sorgar,

á göngu til himinsins helgu borgar.

En eg hefi lofað þér aðstoð og styrk,

og alltaf þér birtu þó leiðin sér myrk.

Mitt ljúfasta barn ég lofað þér hef,

að leiða þig sjálfur hvert einasta skref.

(Staðf. Hjálmar Jónsson)

Elsku Salli, Þóra og fjölskylda. Þið eigið alla mína samúð.

Elsku Karl Cesar, farðu varlega.

Mér þykir svo vænt um þig.

Þar sem englarnir syngja sefur þú
sefur í djúpinu væra.

Við hin sem lifum, lifum í trú

að ljósið bjarta skæra

veki þig með sól að morgni.

Drottinn minn faðir lífsins ljós

lát náð þína skína svo blíða.

Minn styrkur þú ert mín lífsins rós

tak burt minn myrka kvíða.

Þú vekur hann með sól að morgni.

Faðir minn láttu lífsins sól

lýsa upp sorgmætt hjarta.

Hjá þér ég finn frið og skjól.

Láttu svo ljósið þitt bjarta

vekja hann með sól að morgni.

Farðu í friði vinur minn kær

faðirinn mun þig geyma.

Um aldur og ævi þú verður mér nær

aldrei ég skal þér gleyma.

svo vöknum við með sól að morgni.

(Bubbi Morthens)

Þín frænka og vinur,

Petra og Þorsteinn.
Það var sem reiðarslag að fá þær fréttir þegar við mættum til vinnu á föstudaginn, 18. júní, að Karl Cesar vinur okkar og vinnufélagi hefði fallið frá daginn áður.
Karl Cesar vann með okkur hjá VélRás í Hafnarfirði, hann mætti oft til vinnu eftir skóla og um helgar og svo í öllum skólafríum. Þegar hann mætti til vinnu var tekið til hendinni við að koma lagi á hlutina á verkstæðinu. Það fór ekkert á milli mála þegar Karl hafði verið um helgi á verkstæðinu, það var allt hreint og fínt á mánudagsmorgni. Karl hafði ákveðnar hugmyndir um það hvernig ætti að ganga um verkstæðið og var ekkert feiminn við að láta okkur vita það.

Áhugasvið Karls Cesars voru bílar og vélar, og stefndi hann á að læra iðn afa síns Reynis og Salla föður síns sem var vélvirkjun. Það var gaman að sitja með Karli og spjalla um áhugasvið hans, bæði í gamni og alvöru. Í frítímum var Karl að undirbúa og vinna í bílnum sínum sem skyldi vera klár til notkunar þegar hann fengi bílprófið þann 17. september, á föstudegi, allt útpælt og þá yrði rúnturinn tekinn með vinunum.

Við kveðjum góðan og glæsilegan dreng sem hafði miklar væntingar og glæsta drauma um framtíðina.

Við vottum Salla og Þóru Lind, systkinum og fjölskyldu okkar dýpstu samúð á þessum erfiða tíma og í þeim mikla söknuði sem við finnum öll.

Fyrir hönd samstarfsmanna hjá VélRás,

Ásgeir Þórðarson.
Nú hverfur sól í haf
og húmið kemur skjótt.

Ég lofa góðan Guð,

sem gefur dag og nótt,

minn vökudag, minn draum og nótt.

Þú vakir, faðir vor,

og verndar börnin þín,

svo víð sem veröld er

og vonarstjarna skín,

ein stjarna hljóð á himni skín.

Lát daga nú í nótt

af nýrri von og trú

í myrkri hels og harms

og hvar sem gleymist þú

á jörð, sem átt og elskar þú.

Kom, nótt, með náð og frið,

kom nær, minn faðir hár,

og legðu lyfstein þinn

við lífsins mein og sár,

allt mannsins böl, hvert brot og sár.

(Sigurbjörn Einarsson)

Hvíl í friði, elsku vinur.

Sesar, Þorbera, Stefán Björn, Arnhildur og Hrafnkell.
Elsku besti Karl minn.
Hvað get ég sagt, annað en hversu ofboðslega mikið ég sakna þín. Ég trúi því ekki enn, að þú sért farinn frá okkur, þú ert fallinn engill. Þú varst svo ofboðslega hlýr og góður strákur, kannski of góður fyrir þennan stað. Er það ekki sagt að þeir sem Guð elskar mest, deyja ungir?

Hvað hjálpar þér í heimsins glaumi,
að heiminum verðirðu ekki að bráð,

þá berast lætur lífs með straumi

og lystisemdum sleppir taumi –

hvað hjálpar nema Herrans náð?

Og þegar allt er upp á móti,

andinn bugaður, holdið þjáð,

andstreymisins í ölduróti

allir þó vinir burtu fljóti,

Guðs er þó eftir gæska og náð.

Hvað dugar þér í dauðans stríði,

er duga ei lengur mannleg ráð,

þá horfin er þér heimsins prýði,

en hugann nístir angur og kvíði –

hvað dugar nema Drottins ráð?

(Grímur Thomsen)

Besti vinur minn, ég veit að þú ert kominn á betri stað. Þér er ætlað eitthvað stærra og betra en það sem er í þessum heimi.

Mér þykir svo rosalega vænt um þig, mér finnst ég eiga svo stóran hlut í ykkur Birnu, þið eruð eins og litlu systkini mín. Þetta er svo sárt. Ég bið Guð og það sem bíður fyrir handan að taka á móti þér með opnum örmum og vernda þig. Guð blessi minningu þína.

Vertu yfir og allt um kring
með eilífri blessun þinni,

sitji Guðs englar saman í hring

sænginni yfir minni.

(Sigurður Jónsson)

Ég gleymi þér aldrei, þú átt svo stóran hlut í hjarta mínu.

Þín

Kristín (Stína).

Nú virðist fátt í veröldinni snúa rétt. Það er svo skelfilega rangt þegar við fullorðna fólkið erum að fylgja börnunum okkar til grafar. Þau sem eiga framtíðina fyrir sér.
Ég kynntist Karli Cesari þegar hann kom til okkar í Stóru-Vogaskóla. Hann var ljúfur drengur sem yfirleitt var með prakkaralegt bros og átti alltaf brandara í fórum sínum. Hann hafði ótrúlegt sjónminni og svo vissi hann allt um hjól. Hann hefur ekki átt langt að sækja þann hæfileika því samkvæmt Karli Cesari vissi pabbi hans allt um vélar, glussakerfi og guð veit hvað. Hans gæðastundir voru í vinnunni hjá pabba. Að vera unglingur í dag er ekki svo einfalt og reynist mörgum erfitt. Öll reynum við eftir bestu getu að halda utan um og vernda börnin okkar, því þau eru það dýrmætasta sem við eigum.

Um leið og ég votta foreldrum Karls Cesars og systkinum okkar dýpstu samúð bið ég algóðan guð að taka góðan dreng í faðm sér og umvefja hann ljósi og kærleika.

Fyrir hönd starfsfólks Stóru-Vogaskóla,

Kristín H. Halldórsdóttir
Kæri vinur, hvíldu í friði.
Drottinn er minn hirðir,
mig mun ekkert bresta.

Á grænum grundum

lætur hann mig hvílast,

leiðir mig að vötnum,

þar sem ég má næðis njóta.

Hann hressir sál mína,

leiðir mig um rétta vegu

fyrir sakir nafns síns.

Jafnvel þótt ég fari um dimman dal,

óttast ég ekkert illt,

því að þú ert hjá mér,

sproti þinn og stafur hugga mig.

Þú býr mér borð

frammi fyrir fjendum mínum,

þú smyr höfuð mitt með olíu,

bikar minn er barmafullur.

Já, gæfa og náð fylgja mér

alla ævidaga mína,

og í húsi Drottins bý ég langa ævi.

(23. Davíðssálmur)

Votta aðstandendum mína dýpstu samúð.

Kolbrún Marelsdóttir.
Hinsta kveðja

Elsku Karl Cesar.

Ég trúi ekki enn að þú sért farinn. Þvílík hjartasár og sorg sem liggur yfir öllu. Minningarnar um þig standa mér efst í huga og bróðurástin aldrei dvín.

Með söknuði og tár í augum,

Gylfi bróðir.






Byggir á Summit vefstýrikerfinu frá IGM ehf. www.igm.is