Þú ert hér

Fá sendar tilkynningar Loka

Með því að skrá netfang þitt hér getur þú fengið sendar á tölvupósti nýjustu greinar og kveðjur þegar þær eru skráðar á viðkomandi.

Vilberg Hauksson

f.d. 4.10.1962 - d.d. 6.6.2000
Elsku vinur mig langaði bara til að setja þetta inn og láta vita hvað við söknum þín og þá sérstaklega hann Ingvar, það tók mjög á hann þegar þú kvaddir svo snögglega, varðst bráðkvaddur í fríinu þínu fyrir vestan.

Við vitum af þér hér og að þú verndar þinn son eins og gullmola elsku karlinn okkar.

Gleðileg jól elskan og líttu við í draumum okkar

Kolla og elskandi sonur Ingvar

Kveðjur

Elsku engilinn okkar gleðileg jól. Veit að þú lítur við hjá okkur og heilsar upp á son okkar,veit líka að þú verndar hann vel elskan
Sæll elskan nú eru enn ein jólin að koma og þín verður sárt saknað og þó mest af Ingvari okkar en þú ert og verður í hjörtum okkar

Minningargreinar

2.12.2008 00:34:00

Lesa grein
Elsku pabbi minn, ég veit varla hvað ég á að segja. Nú ert þú dáinn og minningarnar hrannast upp, t.d. veiðiferðirnar, ferðin til Portúgals, helgarnar hjá þér í bænum ásamt svo mörgu öðru. Ég var svo lánsamur að tala við þig í síma nóttina sem þú lést. Þá varstu hress og kátur eins og þú einn gast verið. En dáinn um morguninn.

Veiðiferðirnar voru margar og veitt í öllum pollum og sprænum sem við fundum og alltaf jafn gaman. Þú fórst aldrei í ferðalag nema veiðidótið væri með, pabbi minn.

Ferðin til Portúgals var fermingargjöfin mín frá pabba og fórum við út sumarið eftir og voru þar í tvær frábærar vikur sem aldrei gleymast frekar en margt annað sem við gerðum saman um ævina. Þú varst uppspretta brandara, hláturs og hrókur alls fagnaðar hvar sem þú komst og alltaf tókst þér að koma öllum í gott skap. Þú gast líka verið alvarlegur og talað um hlutina og útskýrt þá svo vel að allir skildu hvað þú meintir.

Elsku pabbi minn, það verður svo margs að sakna, tilhugsunin um að við eigum ekki eftir að bralla neitt saman er erfið, mjög erfið en mamma og fleiri standa við bakið á mér og styðja mig og styrkja en ég veit líka að þú verður hjá mér í anda öllum stundum og gætir mín og mömmu.

Elsku pabbi minn, ég sakna þín og mun alltaf gera.

Ég elska þig. Þinn elskandi sonur,

Ingvar Steinar.

Elsku Villi minn. Þú fórst of snemma frá okkur, mörgum árum of snemma. Ég sit hér og hugsa um þegar við hittumst fyrst. Ég velti því fyrir mér hvaðan þessi strákur væri og þvílíkur galgopi og prakkari að það hálfa væri nóg. Ball eftir ball hafði ég hann sem skugga á eftir mér og fannst það óþolandi. En ákvað samt að gefa honum séns og þá varð ekki aftur snúið.

Við urðum ástfangin og trúlofuðum okkur nokkrum mánuðum seinna, áramótin 1984-1985 og um það bil níu mánuðum seinna fæddist sólargeislinn okkar, hann Ingvar Steinar. Þú fékkst að vera viðstaddur fæðinguna og það var stór stund í lífi þínu að vera orðin pabbi, Villi minn.

Sjálf var ég stolt yfir þessu öllu. En þó fór svo að við skildum en síðustu árin urðum við perluvinir. Þú komst og varst stundum hér á Skaganum um helgar til að slappa af og vera með syni okkar, því hvorugu okkar auðnaðist annað barn.

En stundirnar sem við þrjú áttum síðustu árin í góðri vináttu gleymast aldrei, Villi minn.

Innilegar saknaðarkveðjur frá pabba og mömmu, Sandabraut 4 áAkranesi. Við gleymum þér aldrei.

Ég sakna þín og veit að andi þinn er ekki langt undan. Ég elska þig.

Kolbrún.

Dánartilkynning Lesa grein

Elsku vinur mig langaði bara til að setja þetta inn og láta vita hvað við söknum þín og þá sérstaklega hann Ingvar, það tók mjög á hann þegar þú kvaddir svo snögglega, varðst bráðkvaddur í fríinu þínu fyrir vestan.

Við vitum af þér hér og að þú verndar þinn son eins og gullmola elsku karlinn okkar.

Gleðileg jól elskan og líttu við í draumum okkar

Kolla og elskandi sonur Ingvar

Minningarorð Lesa grein

Þú ert og verður í hjörtum okkar elskan
Byggir á Summit vefstýrikerfinu frá IGM ehf. www.igm.is