Elsku Rabbi minn
Ég sakna þín voða mikið og við áttum góðar stundir saman bæði hér á Íslandi og úti í Norge. Ég man að Þegar þú og Ella og Við Fjölskyldan í Vesturbergi fórum á ströndina saman Grilla og njóta sólarrinnar og minnist alltaf góðu stundir með hvað þú varst alltaf góður frændi við mig og börnin min. Og góðu dagana þegar við buðum alltaf hvort öðru í mat og í kaffisopa og kökur og í ís og það elskaðir þú að borða ís ég veit bara það að það er allt gott um þig að segja og það er voða sárt að þú sért farin frá okkur Rabbi okkar HVÍLDU Í FRIÐI Rabbi minn sakna þín mikið þín frænka
Berglind H

Rafn Einarsson ( Rabbi) -  MINNING
Hann Rabbi, litli bróðir minn er dáinn -  ótrúlegt.   Ég var stödd á flugvelli í London þegar ég  fékk símhringingu frá Ellu sambýliskonu hans um að hann væri dáinn, en ég skellti á hana símanum - svona fréttir vill enginn heyra. En þegar loks ég hringdi til baka, fékk ég þær fréttir að hann hefði fengið þungt höfuðhögg í vinnunni og dáið samstundis en á þeirri stundu vissi enginn hvað hafði í raun gerst. Það var erfitt að halda ferðalaginu áfram eftir þessar fréttir.   Mamma eignaðist  7 stelpur og svo Rabba seinast. Loksins kom strákur. Hann fæddist heyrnadaufur og þurfti að nota heyrnatæki báðum megin. Margar góðar og skemmtilegar minningar á ég um stríðnina og prakkaraskapinn í honum Pabbi var alltaf á sjónum þannig að mamma var ein með okkur krakkana heima og þegar hún þurfti að skammast í honum eða við systurnar, þá slökkti hann bara á heyrnatækinu svo hann þyrfti ekki að hlusta á þetta nöldur í okkur en við vissum þetta ekki fyrr en seinna þegar að hann sagði okkur sjálfur frá því. Hann bjó um tíma hjá mér í Hveragerði, og þegar við vorum að tala saman um eitthvað þurfti ég oft að gæta mín á honum því ég vissi aldrei hvort hann var að stríða mér eða ekki. Þegar pabbi dó ákváðum við systkinin að taka til baka það sem við höfðum gefið honum. Ég fékk veggklukku sem þurfti að trekkja upp með þar til gerðum lykli og ég tók til baka mynd sem tengdapabbi minn hafði málað fyrir mig til að gefa pabba í afmælisgjöf. Þetta var mynd af togaranum Jóni Þorlákssyni, skipi sem pabbi var lengi á og Rabbi var reyndar á líka á þessu skipi um hríð.  Rabba langaði í myndina en ég vildi ekki láta hann hafa hana en gaf honum myndina svo seinna í afmælisgjöf, en af því að hann fékk ekki myndina tók hann lykilinn af klukkunni svo ég gæti ekki trekkt hana upp.  Þetta sagði Ella mér eftir að hann dó Alltaf var Rabbi tilbúinn að hjálpa öllum, og var hann virkur í samfélagi heyrnalausra var meðal stofnenda íþrótta og sportklúbbs heyrnalausa, spilaði handbolta með félaginu en neyddist til að hætta því snemma vegna meiðsla í hnjám.   Orðatiltæki áttum við saman og það var ef eitthvað var að, meiðsli eða eitthvað annað :  það er ekkert að þér - þú ert ekki brotinn.   En nú, elsku bróðir, ert þú farinn og ég er brotin.   Guð geymi þig, þín systir, Fríða

Rafn Einarsson lést í vinnuslysi í Svíðþjóð 5. nóv 2007
Hann var jarðsettur í Leksand 16. nóv 2007
Minngarathöfn fór fram í Grensáskirkju 5. des 2007