Bergþóra Skagfjörð Stefánsdóttir

f.d. 11.4.1928 - d.d. 1.5.2008

  Bergþóra Skagfjörð Stefánsdóttir fæddist á Sæunnarstöðum í Vindhælishreppi A-Hún 11. apríl 1928. Hún lést á hjúkrunarheimilinu Vífilsstöðum 1. maí 2008.  Foreldrar hennar voru hjónin Stefán Jónsson, f. 1. ágúst 1879 á Marbæli, Hofshreppi í Skagafirði, d. 4. maí 1931 í Reykjavík og Kristjana Júlíusdóttir, f. 7. des. 1897 í Málmey Skagafirði, d. 1. febr. 1975 á Sauðárkróki. Stefán og Kristjana bjuggu í Hringveri Viðvíkurhreppi en fluttu síðar til Skagastrandar.

Systkini Bergþóru eru Soffía Guðrún Stefánsdóttir f. 15. september 1913, d. 14. nóvember 2005, Pétur Skagfjörð Stefánsson f. 17. október 1920, d. 6. desember 1988, Unnur Skagfjörð Stefánsdóttir f. 9. febrúar 1925, Njáll Skagfjörð Stefánsson f. 11. apríl 1928, d. 1 .september 1928 og Garðar Skagfjörð Stefánsson f. 1 .mars 1930,  d. 26. apríl 1930.  

Þann 14. október 1952 giftist Bergþóra sambýlismanni sínum Sigurjóni Jónsyni sem fæddur var í Hvammi á Völlum Fljótsdalshéraði þann 14 apríl 1921. Hann lést á hjúkrunarheimilinu Skógarbæ  þ. 19. nóvember 2005. Foreldrar hans voru Jón Sigvaldason húsasmiður og bóndi f. 1. nóvember 1875 á Ásgrímsstöðum Hjaltastaðaþinghá, d. 5. júlí 1937 og Jónbjörg Jónsdóttir húsfreyja f. 26.  október 1883 á Hallbjarnarstöðum. d. 4. ágúst 1958.  

Þegar Bergþóra og Sigurjón tóku upp sambúð átti Bergþóra einn son  Njál Harðarson f. 20. ágúst 1947. Faðir hans er Hörður Steinbergsson f. 12. júní 1928 Bergþóra og Sigurjón eignuðust tvo börn Jónbjörgu Sigurjónsdóttur f. 4. júlí 1949 og Þorstein Sigurjónsson f. 23. mars 1957.  

a) Njáll Harðarson er giftur Elfu Fanndal Gísladóttur og eiga þau 2 börn Gísla Frey Njálsson sem á einn son og Lindu Ýr Njálsdóttur sambýlismaður hennar er Giovanni Battista Sotgia og eiga þau einn son.  Frá fyrri sambúðum á Njál þrjú börn Eyjólf Pálsson sem á eina dóttur, Susanna Mavourneen Tobias, og Marianna Elisabet Tobias.

b) Jónbjörg er gift Eiði Haralds Eiðssyni og eiga þau 3 börn, Eið Sigurjón kvæntur Eddu Jóhannesdóttur og eiga þau 2 syni, Bergþóru gift Páli Elíssyni og eiga þau 4 börn, 2 syni og 2 dætur og Þröst Snæ, unnusta hans er  Guðrúnu Sturlaugsdóttur og eiga þau einn son. 

c)  Þorsteinn er ókvæntur og barnlaus.    

Lengst af vann Bergþóra almenn verkakvennastörf. Bergþóra stofnaði og rak lakkrísverksmiðjuna Drift ásamt eiginmanni sínum og Pétri Stefánssyni bróður sínum um nokkra ára skeið. Bergþóra og Sigurjón seldu síðar Pétri sinn hlut í fyrirtækinu en áttu og ráku verslun á Njálsgötunni um árabil. Lengst af vann þó Bergþóra hjá Hagkaup, fyrst á saumastofunni og síðar í versluninni í Skeifunni. Bergþóra vann hjá Hagkaup þar til hún lét af störfum vegna aldurs þá 70. ára  

Síðustu árin hrjáði heilabilunarsjúkdómur Bergþóru sem olli því að hún hvarf smám saman inn í heim óminnis en þrátt fyrir það var hún glaðsinna og létt á fæti fram á síðustu daga sína. Síðustu árin dvaldi hún á hjúkrunarheimilinu að Vífilsstöðum þar sem hún átti sér gott skjól í erfiðum veikindum sínum.